Денеска во пријателскиот натпревар фудбалерите на Вардар со минимален резултат 1:0 го совладаа Смедерево 1924 од Србија.

Стрелец на единствениот гол за скопските „црвено-црни“ го реализираше Дарко Мицевски во 58 минута од средбата.

Стартниот состав на Вардар: Гачевски, Глишиќ, Мишковски, Вецески, Брдаровски, Мицевски, Николовски, Педрињо, Митев, Лемос, Десниќ.

Тоа беше трет контролен меч за играчите на Бобан Грнчаров на подготовките во Златибор.

Претходно Вардар во Златибор триумфираше над Бокељ од Црна Гора со 2:1, а ремизираше 1:1 со српскиот прволигаш Металац од Горњи Милановац.

За 28 јули е закажан нов тест, а ривал на Вардар ќе биде ГФК Дубочица од Србија.