Фудбалерите на ПСЖ славеа со убедливи 1:6 како гости над Клермон во рамки на 31 коло од Лига 1 во натпревар на кој блескаа Нејмар и Килијан Мбапе кои постигнаа два хет-трика, додека Лионел Меси имаше три асистенции.

„Светците“ одлично го започнаа натпреварот и по 20-тина минути игра имаа водство од 0:2. Прво погоди Нејмар на асистенција на Меси, потоа прецизен беше и Мбапе на асистенција на Меси.

Домашниот тим во финишот преку Доду успеа да намали на 1:2, но тоа беше се што направи на натпреварот. Во продолжение од средбата, доминација на ПСЖ. Прво Нејмар во 71 минута погоди за 3:1, а три минути подоцна Бразилецот му асистираше на Мбапе за 4:1.

Потоа во 80 минута Мбапе го постигна третиот гол на натпреварот, а Меси ја имаше третата асистенција. Конечниот резултат го постави Нејмар во 83 минута.

По 31 коло, ПСЖ е лидер со 71 бод, дури 15 повеќе од второпласираниот Рен и во следното коло во дербито со Олимпик Марсеј со евентуален триумф може и теоретски да ја освои титулата.