Алексеј Мешков/ Фото: ЕПА

Мешков: Влезот на Украина во НАТО би го означил почетокот на војната

Ако Украина стане членка на НАТО, тоа ќе значи војна меѓу НАТО и Русија, само прашање е дали Северноатлантската алијанса е подготвена за тоа, изјави денеска рускиот амбасадор во Франција Алексеј Мешков.

– Во документите на Украина стои дека се подготвени да го освојат Крим со сила на оружје. Ако Украина дотогаш стане членка на НАТО, тоа би значело војна меѓу НАТО и Русија. Дали Алијансата е подготвена за тоа? – се запраша Мешков на денешната прес-конференција во Париз.

Зборувајќи за двојно зголемените испораки на западно оружје за Киев, амбасадорот нагласи дека би било подобро Западот да ги додели тие пари за бегалците.

„Што се однесува до оружјето, освен што ќе предизвика нови жртви, дел од тоа оружје сигурно ќе биде уништено со прецизни удари на руските воздушно-космички сили, а она што ќе остане ќе биде предадено на Народната милиција на Народните републики Доњецк и Луганск“, додаде рускиот дипломат.

Тој посочи дека прашањето за промена на режимот во Украина не било споменато во преговорите меѓу руската и украинската делегација.

Коментирајќи го новиот пакет санкции на ЕУ против Русија, кој беше усвоен вчера и го спореди со делата на „ограбувач на патишта“, амбасадорот посочи дека од Русија штотуку биле украдени 300 милијарди долари златни и девизни резерви.

Рускиот функционер се осврна и на прашањето за испораките на руски гас и нафта за европските земји, истакнувајќи дека и покрај најстрогите санкции наметнати на Русија, „испораките на нафта и гас за европските земји се одвиваат според утврдениот распоред“.

Мешков посочи дека за побрзо намалување на цената на бензинот во Европа, неопходно е да се пушти во употреба рускиот гасовод Северен тек 2.

ВО ЖИВО | Конфликтот во Украина, вести од минута во минута: Зеленски бара повеќе помош од Европа

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот