Екипата на Наполи се специјализира за дерби пресметките во Серија А, овој пат нивна жртва беше Рома која со 0:2 е совладана среде Рим.

Човек на одлука беше Дрис Мертенс кој ги постигна двата гола. Првиот гол го постигна во 27. минута и тоа од слободен удар, додека само седум минути подоцна повторно постигна гол за водство од 0:2, резултат кој на крајот се покажа како конечен.
Македонскиот репрезентативец Елиф Елмас влезе во игра во 73. минута на местото на Пјотр Зиелински.

Со победата Наполи направи голем исчекор кон освојување на четвртото место кое носи пласман во Лигата на шампионите. Наполи сега има 53 бода со кои се наоѓа на петтото место, само два помалку од четвртопласираната Аталанта, а притоа има и натпревар помалку и тоа дербито со Јувентус.