Поранешната германска канцеларка Ангела Меркел ги објави своите мемоари „Слобода: Мемоари 1954-2021“, во кои изнесува мноштво детали од својот приватен и професионален живот.

Во книгата има посебно поглавје посветено на Западен Балкан. Меркел го споменува и поранешниот македонски премиер Зоран Заев, кој е единствен (жив) политичар од Западен Балкан кој е споменат. Таа вели дека тој бил „храбар и решителен“. Ова го сподели Михаел Мартенс, новинарот на „Франкфуртер Алгемајне Цајтунг“, кој имал увид во мемоарите на Ангела Меркел кои се објавени денеска.

Книгата истовремено беше објавена во над 30 држави во светот.

На повеќе од 700 страници, бившата германска канцеларка пишува за бројни светски лидери и настани кои ги одбележаа изминатите децении.