Нема оправдување за руското брутално непочитување на меѓународното право во Украина, изјави поранешната германска канцеларка Ангела Меркел во своето прво интервју откако ја напушти функцијата минатата година.

Меркел рече дека „ако почнеме да поминуваме низ вековите и кажеме кое парче територија на кого му припаѓа, тогаш ќе имаме само војна – тоа воопшто не е можно“.

Украинскиот претседател Володимир Зеленски претходно ги критикуваше Меркел и поранешниот француски претседател Никола Саркози за нивниот потег да го блокираат приемот на Украина во НАТО во 2008 година, сугерирајќи дека тоа била јасна „погрешна пресметка“ што ја охрабрила Русија.

Запрашана за отфрлањето на членството на Украина во НАТО тогаш, Меркел рече дека доколку не ставила вето на потегот, „Путин би направил нешто што не би било добро за Украина“.