Мерилин Менсон се предал на полицијата по обвинението дека плукнал на снимателка и пуштен со кауција
Контраверзниот музичар Мерилин Менсон се предал на полицијата откако била распишана потерница за апсење за напад на снимателка, пишува „Mirror“.
Препорачано
Нападот врз снимателката се случил на неговиот концерт во август 2019 година. Тој бил обвинет затоа што плукањето се смета за „неовластен физички контакт“. Жртвата не била повредена, но дел од плунката на Менсон паднала на нејзината рака.
View this post on Instagram
Менсон му се предал на полицискиот оддел Гилфорд, а началникот на полицијата Ентони Бурпи изјавил дека пејачот по сослушувањето бил ослободен со кауција.
Адвокатот на Менсон претходно изјавил дека плунката на Менсон случајно завршила на раката на снимателката и дека таа за тоа побарала 35 илјади долари.
View this post on Instagram
„Тужбата беше поднесена откако снимателката бараше отштета од повеќе од 35 000 долари бидејќи мала количина плунка дојде во контакт со нејзината рака. Кога ја замоливме да ни достави докази, таа не одговори. Овие тврдења се глупости, но ние ќе соработуваме со властите како и досега“, изјавил во тој период адвокатот на Менсон, Хауард Кинг за списанието „People“.
И покрај тоа, тројца сведоци од концертот, вклучително и член на обезбедувањето, изјавиле за „People“ дека го виделе Менсон како „прчи муцки“ кон снимателот.
