Директорот на Фондот за ПИОМ, Никола Мемов, вечерва во емисијата „Бизнис21“ на ТВ21 рече дека јавноста, но и Владата, „треба многу сериозно да ги примат препораките од Фискалниот совет“ за зголемување на старосната граница за пензионирање на 67 години за мажите и жените.

„Таму членуваат многу сериозни луѓе и јавноста, институциите, вклучително и Владата многу сериозно треба да ги примат тие препораки и совети, исто така, редовни се препораките од Меѓународниот монетарен фонд, од Светска банка за ваков тип на сугестии, предлози да ги прифати државата“, вели Мемов.

Тој додава дека не е точно оти овие мерки се прифатени.

„Во фискалната стратегија до 2029 година, не се вградени овие препораки. Тоа се мислења и препораки“, додаде Мемов.