Италија не учествува во воени операции, не е побарана дозвола за користење на американските бази и не мислам дека тоа ќе се случи, изјави премиерката Џорџа Мелони пред Парламентот.

– Сепак, можам да гарантирам дека за да се донесе таква одлука, мора да се одржи парламентарно гласање, за разлика од она што се случуваше кога не бевме на власт – додаде Мелони.

Билатералниот договор на Рим со Вашингтон предвидува дека, доколку САД сакаат да ги користат своите воени бази во Италија за воени операции, мора да побараат и да добијат дозвола од италијанската влада.

Од своја страна, двете најголеми сили во италијанската опозиција, Демократската партија и Движењето Пет ѕвезди, категорично побараа од владата да гарантира дека земјата нема да учествува, на никаков начин, во тековните конфликти.