Италијанската премиерка Џорџија Мелони денеска изјави дека сепак ќе може да соработува со претседателката на Европската комисија (ЕК) Урсула фон дер Лајен и покрај тоа што нејзината партија Браќа на Италија гласаа против Фон дер Лајен да биде избрана за втор мандат.

Мелони изјави дека досега соработувала со Фон дер Лајен и ќе продолжи да го прави и во иднина затоа што, како што рече, „имаат обврски и се свесни за нивната важност“.

Таа нагласи дека ја поддржува изјавата на Фон дер Лајен во нејзиното обраќање во Европскиот парламент за потребата од контрола на миграцијата.

Италијанската премиерка ја истакна важноста на Италија како трета по големина економија во ЕУ, судејќи дека ја има најстабилната влада од сите големи земји-членки на Унијата.

„Сите ја препознаваат тежината и улогата на Италија“, рече Мелони.

Таа рече дека ќе може да соработува со кој и да биде избран за претседател на САД на изборите во ноември.

„За мене е важна силата на сојузот со САД“, истакна Мелони, наведувајќи дека тоа не може да биде засегнато од промената во Белата куќа.

Фон дер Лајен беше избрана во четвртокот во Европскиот парламент (ЕП) за нов петгодишен мандат како претседателка на ЕК.