Во Холивуд низ годините се оствариле многу пријателства, а повеќето од нив на прв поглед необични и невозможни.

Пријателствата на Мерилин Монро и Елa Фицџералд, на Хелен Мирен и Расел Бренд или на Мел Гибсон и Џоди Фостер се некои од најголемите кои светот на славните ги памти.

Мерилин Монро и Ела Фицџералд

За време на нејзината успешна кариера како џез пејачка, Ела Фитџералд имала многу пријателства, а некои од нив и го промениле животот. Едно од тие пријателства дефинитивно се издвојувало од другите, а тоа е пријателството со актерката Мерилин Монро.

Во текот на 50-тите години на минатиот век, ноќниот клуб „Мокамбо“ бил популарно место за собирање на холивудската елита, но неговата управа не дозволувала изведби на афроамерикански изведувачи.

Тоа се сменило благодарение на Мерилин Монро, која лобирала гласно за Ела, ветувајќи дека ќе седи во првиот ред секоја вечер пред сцената кога ќе пее нејзината пријателка и така ќе ја зголеми популарноста на клубот.

Тоа било пресврт во кариерата на Ела, за што засекогаш и била благодарна на нејзината русокоса пријателка.

Мел Гибсон и Џоди Фостер

Тој е конзервативен католик кој изгради своја сопствена црква, а таа е актерка која порасна под светлата на Холивуд. Мел Гибсон и Џоди Фостер останаа верни еден на друг како пријатели, уште од 1994 година, кога се запознале за време на снимањето на филмот „Маверик“. Џоди била една од ретките што останале покрај Мел, откако се нашол во проблеми со зависности и откако бил уапсен за возење под дејство на алкохол и опијати.

 

View this post on Instagram

 

A post shared by Mel Gibson Fanpage (@melgibson_fanpage)

Џон Вејн и Морин О`Хара

И покрај гласините дека меѓу нив постоело повеќе од пријателство, факт е дека никогаш немало ништо повеќе од пријателство помеѓу легендарните холивудски ѕвезди Џон Вејн и Морин О`Хара.
„Имам многу пријатели и претпочитам друштво на мажи. Исклучок е Морин“, изјавил Џон Вејн, кој некогаш бил персонификација на мачо маж во Холивуд, па неговата изјава кренала доста прашина во јавноста.
Морин пак, изјавила дека е единствената дама доволно голема и доволно силна за Џон Вејн.

Хелен Мирен и Расел Бренд

Британската актерка Хелен Мирен и комичарот Расел Бренд станале најдобри пријатели во 2011 година за време на снимањето на филмот „Артур“. Хелен има статус на актерска легенда, а круната на нејзината кариера се верува дека бил филмот „Кралицата“ во која ја отелотвори британската кралица Елизабета. Расел го добил прекарот Петер Пан или момче кое никогаш нема да порасне. Сепак, двајцата ја делат истата смисла за хумор и тоа е она што ги поврзува цело време.
„Како да е од друг универзум, такво е нашето пријателство. Она во кое нема разлики помеѓу половите или разлика во годините“, објасни Хелен.