Американецот Џон Мекинро сега е медиумски коментатор, а во поголемиот дел од кариерата како тенисер го сметаа за лошо момче, негативец.

Затоа, не е изненадувачки да се види дека тој го брани Новак Ѓоковиќ, кој според него, не е доволно почитуван и ценет во споредба со неговите двајца колеги од големата тројка, Рафа Надал и Роџер Федерер.

– Надал и Федерер имаат легендарна репутација и тие го заслужуваат тоа. Тие беа неверојатни. Новак Ѓоковиќ не само што им парира, туку ги надмина по севкупен ефект, што изгледаше невозможно. Овие двајца тенисери, Рафа и Роџер, се спортисти од висока класа. Тие се сакани и почитувани низ целиот свет, додека Новак е третиран неправедно. Тој е лошото момче, негативецот. Мислам дека на некој начин се потребни тие улоги, добар и лош. Може да му помогне на спортот кога има вакви ривалства. Мислам дека е неправедно, искрено, бидејќи тој е одличен за тенисот, на теренот и надвор од него – рече Мекинро.