Добро познатиот ММА борец Конор Мекгрегор исто така е запознат со актуелната тема овие денови, и т.н. „Суперлига“ која не издржа ниту 48 часа и веќе се распаѓа.

Ирецот преку својот Твитер профил ги праша своите фанови, околу можно купување на премиерлигашкиот гигант Манчестер јунајтед.

„Црвените ѓаволи“ во вторникот вечерта останаа без потпретседателот Ед Вудворд, но и без Суперлигата која предизвика голем број на критики.

– Еј луѓе, размислувам да го купам Манчестер Јунајтед! Што мислите за тоа? – праша Мекгрегор.

Hey guys, I’m thinking about buying Manchester United!
What do you think?

— Conor McGregor (@TheNotoriousMMA) April 20, 2021

Тој е секако богат, но не премногу. Тој се бори во УФЦ од 2013 година и се здоби со светска слава и во октагонот и пошироко, со бројни профитабилни спонзорства.

Според „Форбс“, неговиот бренд виски вреди 48 милиони долари, борбите во октагон му донеле 122 милиони долари, а исто така имал скапа борба со Флојд Мејведер во рингот во 2017 година.

Кога сега би се збогувал со УФЦ и ММА, би имал на располагање околу 252 милиони долари, па можеби и не би имал шанса да го купи клубот, но секако може да даде интересна понуда.