Според глобалното рангирање на 15-те најголеми банки во светот според пазарната капитализација, ажурирано од агенцијата за финансиски истражувања Finbold, американскиот гигант JPMorgan Chase е убедливо на првото место со вредност од 794 милијарди долари. Нејзината вредност е повеќе од двојно поголема од второрангираната институција, со што ја потврдува својата лидерска позиција во светскиот финансиски систем.

На листата на топ 15 банки доминираат САД и Кина, со вкупно 11 претставници. На второ место е кинеската ICBC (Индустриска и комерцијална банка на Кина) со 355,8 милијарди долари, а на трето место е Банка на Америка со 340,7 милијарди долари.

Покрај нив, во првите десет се и кинеските државни банки Agricultural Bank of China (320,8 милијарди долари), China Construction Bank (267,8 милијарди долари) и Bank of China (234,9 милијарди долари). Меѓу американските банки, тука се и „Велс Фарго“ (249,3 милијарди долари), „Морган Стенли“ (228,5 милијарди долари) и „Голдман Сакс“ (218,3 милијарди долари).

Единствениот европски претставник е британскиот „ХСБЦ“ (221,4 милијарди долари). Овој распоред јасно укажува на концентрацијата на финансиска моќ во Северна Америка и Кина, додека Европа речиси и да нема претставници на врвот на листата.