Порно-ѕвездите кои учествуваа на првото Европско првенство во секс ги спакуваа куферите и бесни побегнаа од Шведска, пишуваат британските медиуми и наведуваат дека натпреварот неславно пропаднал бидејќи учесниците тврдат дека биле измамени со илјадници евра кои им биле ветени нив.

„Дејли стар“ на својата веб-страница наведува дека контроверзниот шестнеделен натпревар започнал минатиот четврток со голема помпа кога 16 жени од земји ширум Европа се појавиле на тајна локација во близина на шведскиот град Гетеборг.

– Ситуацијата излезе од контрола. Тука е хаос. Повеќе од тоа: ситуацијата се претвори во хорор филм – изјавила Селва Лапиедра, една од натпреварувачките.

Британскиот таблоид наведува дека како дел од натпреварот од учесничките се барало да имаат секс најмалку 45 минути дневно, а на оценката на нивниот секс влијаеле повеќе фактори како издржливоста, техниката и креативноста.

Се наведува дека учесничките очекувале да заработат по 800 евра за секој ден поминат во загушливата соба, додека на мажите им биле ветени 400 евра дневно. Победникот требало да освои дури еден милион евра.

„Дејли стар“ пишува дека работите потоа тргнале наопаку и дека учесниците во натпреварот ја напуштиле куќата на почетокот на оваа недела поради тврдењата дека организаторите Драган Братиќ и организацијата наречена Шведската секс федерација не им ги исплатиле хонорарите.

Лара Ли (28), актерка од филмовите за возрасни од англискиот град Бурнемаут, требало да лета за Шведска во понеделникот, но се откажала, кога слушнала каква е ситуацијата.

Талија Минт, претставничката на Украина, пред да го напушти натпреварот, објавила видео од куќата во која се одржувало натпреварувањето, а на видеото се гледа како Братиќ, сопственик на стриптиз-клуб, се обидува да и го зграпчи мобилниот телефон.

– Тој одбива да ми плати за моето време и мојата работа и сега ги имате сите информации за овој проект, јас сакам отштета – вели Украинката во таа снимка.

Се наведува дека и хрватската натпреварувачка Марија Задравец (27) од Чаковец и претставничката на Романија исто така потврдиле дека ја напуштиле куќата.

– Да бидаме искрени, ситуацијата не е добра. Сите уживаа во сета таа популарност и ја искористија нашата организација за своја промоција, а сега бараат нешто што не е можно да се исполни. Навистина сме уништени од моменталната ситуација и немаме поим како ќе заврши ова – соопштено е од Шведската федерација за секс.

Братиќ рекол дека учесниците во натпреварот при заминувањето го украле снимениот материјал кој припаѓа на организаторот на првенството и додал дека со овој случај сега се занимаваат адвокатите на Шведската федерација за секс.

ФОТО | Хрватска порно ѕвезда ќе учествува на Европско првенство во секс