Данил Медведев доживеа непријатно изненадување и беше елиминиран по голема битка со Уго Умбер во полуфиналето на АТП турнирот во Дубаи.

Рускиот тенисер во мечот влезе како голем фаворит, но расположениот Французин одигра одличен меч и имаше одговор за сите налети на Медведев.

Првиот сет Умбер го доби со 7:5, а потоа во раната фаза стигна до брејк. Медведев се врати со рибрејк, меѓутоа рускиот тенисер потоа повторно го загуби сопствениот сервис и на крајот со 6:3 Французинот го освои и вториот сет.

„Одиграв перфектен меч, можеби најдобриот во кариерата. Одлично се чувствувам, играм полн со самодоверба“, истакна Умер по победата.

Во финалето противник на Умбер ќе биде Александар Бублик од Казахстан кој претходно се пласираше во финалето откако Андреј Рубљов беше дисквалификуван.

ВИДЕО | Скандал во Дубаи: Рубљов го пцуеше судијата на руски, па беше дисквалификуван