Точното потекло на ова едноставно јадење од само 4 состојки не е познато. Се претпоставува дека поморските републики Пиза и Џенова во средниот век вовеле употреба на наут во различни рецепти, а со текот на времето се создавало и ова јадење. Денес може да се најде во многу медитерански градови, каде што се служи како улична храна.

Потребни состојки:

– 250 г брашно од наут
– 670 мл вода
– 5 супени лажици маслиново масло
– 1 прстофат сол

Подготовка:

Во голем сад просејте го брашното од наут. Додадете прстофат сол. Постепено додавајте вода, постојано мешајќи со жица за да не ви се направат грутки. Додадете маслиново масло и измешајте. Покријте со фолија и оставете да отстои 2 часа. Загрејте ја рерната на 230 степени. Истурете ја смесата во сад за печење кој претходно сте го премачкале со зејтин – смесата треба да биде висока не повеќе од половина сантиметар. Печете околу 20 минути, додека не добие убава боја и не стане крцкава. Почекајте малку да се излади, па исечете и посипете со малку крупна сол.