Реал Мадрид и Флорентино Перез ја добија „војната“ со ПСЖ, катарското кралско семејство му нареди на претседателот на францускиот тим Насер Ал-Келаифи да ги започне преговорите за траснферот на Килијан Мбапе на „Сантијаго Бернабеу“ и според пишувањата на шпанските медиуми целата работа треба да биде завршена најдоцна до недела.

Иако во ПСЖ се надеваат дека Реал Мадрид ќе достави нова понуда, од Шпанија пристигнаа информации дека нема да се менува последната понуда која изнесува 170 милиони плус 10 милиони во бонуси и која „светците“ ќе мора да ја прифатат.

Во меѓувреме, Реал Мадрид направи детален план на промоција на еден од најдобрите фудбалери на светот и човекот кој треба да биде лидер на новите „галактикоси“.
Весникос „Ас“ кој е близок до Реал Мадрид пишува дека клубот сака на Мбапе да му го даде дресот со број 5, кој го носеше неговиот идол Зинедин Зидан.
Тој број моментно го носи Хесус Ваљехо, а на располагање се броевите 19 и 23, но „петката“ на Зидан треба да ја добие Мбапе.

Кога станува збор за официјалната промоција на Мбапе, весникот „Марка“ пишува дека постојат две сценарија. Првото е отворениот простор во тренинг центарот во Валдебебас каде може да присуствуваат поголем број на навивачи, а втората е таа да се случи утре пред натпреварот со Бетис кој е закажан за 22 часот. Според ова сценарио, Мбапе треба да го крене „кралскиот“ дрес пред навивачите на Реал.

Моменто во Шпанија поради пандемијата на коронавирусот е дозволено присуство на навивачи до 40 проценти од капацитетот на стадионот, додека по репрезентативната пауза се шпекулира дека бројката може да се зголеми до 70 проценти. Поради тоа, во Реал Мадрид размислуваат презентацијата да биде пред поголем број навивачи и тогаш таа би била на 10 септември.

Мбапе му се закани на ПСЖ: Или прифатете ги парите на Реал или идната година си одам на нула евра

Мбапе му се закани на ПСЖ: Или прифатете ги парите на Реал или идната година си одам на нула евра