Во Цазин, Босна и Херцеговина се случи необична, но трагична ситуација, која ја потресе локалната заедница, пренесуваат регионалните медиуми.

Маж освоил 35.000 конвертибилни марки (околу 17.000 евра) во спортска обложувалница во градот. Според очевидци, тој бил преплавен од измешани емоции – од радост до неверување. За жал, прославата не траела долго, бидејќи кратко откако сфатил дека добивката е вистинска, човекот доживеал срцев удар и се струполил на самото место.

За кратко време пристигнала брзата помош,  но лекарите, и покрај сите напори, можеле само да ја констатираат смртта. Мештаните се во шок и истакнуваат дека несреќниот добитник бил долгогодишен играч во обложувалница, познат по својата љубов кон спортот и игрите на среќа.