Претпладнево маж починал на тротоарот пред филијала на банката „Силкроуд“ во скопски Аеродром, потврдија од МВР откако на социјалните мрежи се појавија фотографии од покриено тело пред банката, и полициско обезбедување.

-На 02.03.2023 во 11.51 часот А.Т. пријавил дека на булеварот „Јане Сандански“, на тротоарот има починато машко лице. Полициски службеници излегле на местото на настанот и утврдиле дека се работи за починато лице Ф. Х. (66), информираат од МВР.

По наредба на јавен обвинител телото е предадено на семејството.

Сличен случај имаше и пред два дена, кога на автобуска постојка под Железничката станица во Скопје беше пронајдена почината жена.

На 25-ти минатиот месец, 52-годишна скопјанка беше пронајдена почината во угостителски објект во Радишани.