Масовно труење на хиподром во Србија – пет коњи угинаа, ветеринарите се борат да спасат други десет
Повеќе од 15 коњи неделава се затруле, а пет пцовисале на хиподром во српскиот град Крагуевац, јавија српските медиуми,. Според првичните информации, се работи за наводно труење со храна. Десетина коњи се во сериозна состојба, а ветеринарите се борат да ги спасат.
Препорачано
Коњите биле нахранети во неделата, а им била дадена редовната мешавина на брикетирана храна, житарки и сено. Во понеделникот, угинала една кобила, а по неа уште четири грла, вели Бојан Илиќ од Коњичкото друштво „Пастув“ од Крагуевац.
„Вчераутро видовме дека една кобила угина, а потоа 15 коњи, можеби и повеќе, имаа колични напади, специфичен тип на грчеви што предизвикуваат надуеност и затнување на желудникот. Ветеринарот направи обдукција и утврди дека се работи за труење со храна“, изјави Илиќ.
Точната причина за труењето ќе се знае по тестирањето на примероците од храната и од содржината на желудникот и цревата на угинатите животни.
Коњите кои се подложени на терапија, вели Илиќ, се во променлива состојба, понекогаш подобра, а потоа запаѓаат во криза. Според ветеринарот Марко Батавељиќ, затруените коњи почнале да јадат, но нивната состојба мора да се следи бидејќи и натаму се можни компликации.
