Еврокомесарката за проширување, Марта Кос по средбата со македонскиот министер за надворешни работи и надворешна трговија, Тимчо Муцунски порача дека е важно да се испорачаат преостанатите обврски и земјата да продолжи напред во процесот на пристапување во Европската Унија.

Во нејзината објава на социјалната мрежа Х, Кос вели дека со Муцунски имале отворена дискусија за идните чекори на европскиот пат на Македонија, кој таа вели дека силно го поддржува, како и за Планот за раст.

Open discussion with @TimcoMucunski today on the next steps on 🇲🇰’s EU accession path which I strongly support, and Growth Plan reforms.

Important to deliver on remaining requirements, and move forward with EU accession.

I welcomed 🇲🇰’s full CSFP alignment & contribution to 🇺🇦! pic.twitter.com/aV92xyh4re

— Marta Kos (@MartaKosEU) August 26, 2025

Дополнително, ја поздрави целосната усогласеност на Македонија со Заедничката надворешна и безбедносна политика (ЗНБП) на Европската Унија, како и помошта која земјава ја дава на Украина.

Шефот на македонската дипломатија пак во интервју за „Политико“ нагласи дека Македонија не е подготвена на уставни измени кои ги бара Бугарија, ако не добие цврста гаранција од Европската Унија дека ова е последното барање на Софија.

– Нашиот страв е: ако ги направиме уставните измени, што ќе се случи ако за шест месеци Бугарија повторно дојде со барања поврзани со историјата, идентитетот или јазикот? – истакна Муцунски, осврнувајќи се на процесот на европска интеграција на земјава.

Муцунски: Нема уставни измени, ако не добиеме гаранција од ЕУ

Од Министерството за надворешни работи и надворешна трговија претходно објавија дека Муцунски и Кос разговарале за повеќе теми и дека еврокомесарката го поздравила реформскиот пристап на Владата.