Додека се чека одлуката на Симоне Инѕаги, претседателот на Интер Џузепе Марота подготви список на кандидати за нов тренер на италијанскиот фудбалски клуб. Првата цел е Сеск Фабрегас, но тој би можел да биде тешка цел откако ги одби Милан и Рома. Во Комо е и акционер на клубот, а според некои информации се смета дека е прерано за голем клуб.

На списокот е и Кристијан Киву, легенда на клубот, Романецот доби шанса да го замени Пекија во Парма и избори опстанок.

Инаку, од 2018 година, Киву ги води младинските тимови во школата на Интер, па ова би било природно продолжение. Сепак, тој има само неколку месеци искуство во сениорскиот фудбал.

Од таа страна, друг поранешен играч нема проблем, Патрик Виеира, откако го наследи Џилардино, ја донесе Џенова на безбедно место во Серија А. Веќе има собрано многу искуство, работејќи во Палас и Стразбур, а пред тоа во Ница и МЛС каде што ја водеше филијалата на Сити. Навивачите не би биле воодушевени, но тој е дефанзивен тренер, се вклопува во формацијата 3-5-2 што Интер ја форсира од Конте и околу која Марота го гради преодниот рок.

Четвртото име во конкуренција е Рафаеле Паладино, кој поднесе оставка од Фиорентина, тој добро се снајде со Монца пред две сезони, но Наполитанецот има најмалку шанси. Де Ѕерби не сака да оди во Интер, сака да остане во Марсеј, па Интер ќе инсистира на некој што веќе ја познава италијанската лига, па не треба да се очекуваат никакви изненадувања во тој поглед.