Се одржа добро познатиот балкански натпревар за деца до 14 години „Атомска Мравка“ 2022 во спортско качување.

Како што информира спортско качувачкиот клуб „Астибо“ од Штип, за овој натпревар се пријавија преку 100 учесници од Турција, Грција, Србија, Бугарија и Македонија во пет возрасни категории.

Спортскот качувачкиот клуб „Астибо“ го претставуваа 17 натпреварувачи од кои пет влегоа во финале.

Најголемиот успех му припадна на Марко Марков кој го освои сребрениот медал во категоријата Ф-машки.

Овој натпревар беше добар показател за високото ниво на балканските натпревари во последните неколку години, и добра најава за првенството кое следува во Атина кон крајот на октомври.