Хрватска годинава ќе ја претставува Марко Бошњак со песната „Poison Cake“, откако триумфираше на фестивалот Дора 2025. Младиот пејач, кој од мал е голем обожавател на Евровизија, ќе настапи на големата сцена во Базел, Швајцарија.

По победата, Бошњак изјави дека ова е исполнување на неговиот долгогодишен сон и дека ќе даде сè од себе за што подобар пласман на Хрватска. Тој најави и мали измени во сценскиот настап, кои ќе ги договара со својот тим во подготовките за Евросонг.

„Победата си ја посветувам на себеси затоа што не се откажав и напорно работев за ова“, изјави видно емотивниот 21-годишник на средбата со новинарите.

Со голем ентузијазам, Бошњак изјави дека веќе ги преслушал песните на останатите натпреварувачи и од обожавател сега станува дел од големото евровизиско семејство.

Да потсетиме, Марко Бошњак победи во втората сезона на „Ѕвездичките на Пинк“, музичко натпреварување за деца кое беше многу популарно во Македонија. Тоа беше отскочна даска и за нашите млади пејачи Трајче Георгиев, Антониа Гиговска и Мартија Станојковиќ.

„Ѕвездичката на Пинк“ порасна: Работам во сендвичарница за да преживеам