Управата на фудбалскиот клуб Брера и капитенот Марио Врдољак одлучија спогодбено да го раскинат договорот за оваа првенствена сезона.

Во пролетниот дел од шампионатот нема да настапува овој 30 годишен одбранбен фудбалер за прволигашката екипа.

Врдољак во струмичкиот клуб дојде на стартот од оваа сезона, одигра вкупно 16 првенствени натпревари и беше еден од столбовите на одбраната на тимот и мотиватор на играта.

Иако дефанизивец, Хрватот беше асистент на два гола, додека во дуелот со Струга Трим Љум во гости беше еден од стрелците во победата од 2:1.

Моментно во Првата македонска лига екипата на Брера после 18 кола е на осмото место со 20 бодови.