Марина Абрамовиќ, која во ноември минатата година наполни 78 години, чекори цврсто низ животот, а друштво и прави нејзиниот емотивен партнер Тод Екерт, американски бизнисмен и продуцент.

Избраникот на познатата уметница, е 21 година помлад од неа, но тоа никогаш не било пречка за нивната хармонична врска. Марина Абрамовиќ зад себе има два брака и двата траеја четири години.

Во 70-тите таа се омажи за српскиот концептуален уметник Неша Париповиќ, а во 2005 година му кажа „да“ на 17 години помладиот Италијанец Паоло Каневари.

Во интервју за „Гардијан“, Марина еднаш зборуваше за нејзината врска со Тод Екерт, пренесува „Жена“.

„ Сексот ми е многу важен. Отсекогаш бил. Многумина мислат дека жените се откажуваат од идејата за секс по менопаузата. Кај мене сексот стана уште подобро после менопаузата бидејќи не се грижам за бременоста. Имам дечко кој е 21 година помлад од мене. Супер е! Немам проблем со тоа што сум многу сексуално активна. Тоа ме прави среќна. На сексот гледам како на неопходен баланс, исто како добрата храна, хуморот и среќата“, изјави уметницата која никогаш не сакала да има деца.

„Имаме само еден извор на енергија, а таа енергија за мене би била поделена на уметник и мајка, а една од нив би страдала. Јас сум кума на децата на сите мои пријатели, што е прекрасно. Имам и мои ученици кои ми се како деца. Многу сум горда на нив “, објаснила Марина.