Маријан (23) е брат на познатиот хрватски репрезентативец Марино Мариќ, а во Металург доаѓа од екипата на Зрински од Мостар (БиХ).

Настапува на позицијата лев бек и потпиша договор на две години со тимот од Автокоманда. Тој е четвртото засилување за „сино-белите“ после Лука Вујовиќ, Милан Поповиќ и Реваз Чантурија.

Во текот на летните подготовки ракометарите на тренерот Дамир Стојановиќ ќе учествуваат на два турнири.

Ќе бидат дел од турнирот на Чеховски Медведи, од 15 до 19 август, а потоа ќе настапат и во Кањижа, од 22 до 25 август 2019 год.

Обврските во македонската Суперлига ќе ги почнат со одигрување на првото коло, кое е планирано на 7/8 септември, но претходно ќе треба да се одигра Суперкупот, за чија дата на одигрување ќе се постигне договор со Вардар.