Менаџерот на фудбалерите на Челси, Енцо Мареска, вели дека клубот може да докаже дека се „враќа“ на големата сцена со евентуалното освојување на пехарот во Конференциската лига.

Лондонските „сини“ по првиот натпревар од полуфиналето во КЛ водат со 4:1 против шведскиот клуб Ѓургарден минатата недела и се големи фаворити за пласман во финалето против Реал Бетис или Фиорентина, кое ќе се игра во Вроцлав, Полска, на 28 мај.

На прашањето дали освојувањето на трофеј, иако е третолигашко европско клупско натпреварување на УЕФА, би било доволно за да се каже дека Челси се враќа на големата сцена, Мареска вели:

– Да, за мене, освојувањето на трофеј, Конференциската лига, би бил доказ дека Челси се вратил. Затоа што, прво, освојувате трофеј, а потоа, ако Реал Мадрид или други клубови не играле во Конференциската лига, тоа е затоа што Конференциската лига не е на нивото на кое беа. Ако играме во Конференциската лига, тоа е затоа што таму сме – треба да почнеме од таму.

Тоа е единствениот трофеј што Челзи не го освои во минатото и Челзи може да стане првиот клуб во Европа што ќе ги освои сите европски натпреварувања, па затоа е добро и за клубот. Оттаму ќе се обидеме да победиме во полуфиналето и финалето. Тоа е добро место за почеток за градење победнички менталитет, за победи и за трофеи. Во иднина се надеваме дека ќе можеме да бидеме во различни натпреварувања, но во моментов таа е реалноста – се зборовите на Мареска.