На Манчестер сити му беше понудена шанса да го ангажира Кристијано Роналдо од редовите на италијанскиот гигант Јувентус.

Роналдо е без договор следното лето и Јуве сака да го продаде за да заштеди од платата од 500.000 фунти неделно што му ја плаќаат плус данок.

Португалецот е подготвен да си замине, а неговиот агент Жорже Мендеш е во Торино и бара клуб кој е подготвен да плати трансфер од 25 милиони фунти за 36-годишниот фудбалер и да ја преземе неговата плата.

„Граѓаните“ се заинтересирани да го вратат Роналдо во Премиер лигата во бесплатен трансфер и се подготвени да му понудат двегодишен договор, со плата од 12,8 милиони фунти по сезона (15 милиони евра), пренесува „Скај Италија“.

Минатата сезона во Серија А за „Старата дама“ запиша 29 голови во 33 настапи.

Гвардиола откри кога го напушта Сити и кој ќе биде следниот чекор во кариерата