Напаѓачите кои пред четири дена дојдоа со скутер пред куќа во Тетово, ја изрешетаа со „калашников“ додека внатре биле сопственикот и неговото семејство и избегаа, се малолетни, велат од полицијата, соопштувајќи дека двајцата тинејџери се уапсени.

Во нападот беше оштетена куќата, во која завршија повеќе од 30 куршуми. За среќа, никој не беше повреден.

Двете момчиња, чијашто возраст полицијата не ја открива, биле уапсени вчера на регионалниот пат Тетово-Попова Шапка, на влезот во село Гајре, „поради сомнение дека вечерта на 26 мај, на улица „111“ во Тетово пукале со автоматска пушка во правец на куќа, сопственост на М.Т. од Тетово“.

„Двајцата се задржани во полициска станица, известен е јавен обвинител и во присуство на службеници од Центарот за социјални работи е извршен службен разговор. По документирање на случајот ќе биде поднесен соодветна пријава“, додаваат од МВР.

Напаѓачи вечерва со „калашников“ изрешетале куќа во Тетово, била полна со луѓе