Малолетно момче на нерегистриран мотоцикл, кое возело без возачка дозвола, доцна попладнето удрило во пешак во скопската населба Кисела Вода, потврдуваат од МВР.

„Денеска околу 19:15 часот во СВР Скопје е пријавено дека на бул.„Борис Трајковски“ во Скопје, мотоцикл „Пјаџо Беверли“ без регистарски таблички удрил во пешак. По несреќата пешакот со Итна медицинска помош е пренесен во КЦ-„М.Тереза“, а мотоциклистот го напуштил местото на настанот“, велат од полицијата.

„Полициски службеници презеле мерки и го пронашле мотоциклистот, по што е утврдено дека е малолетник и го управувал мотоциклот без возачка дозвола. Се работи на расчистување на случајот“, додаваат од МВР.