Во Србија денеска исчезна деветгодишното момче Милош Васиќ поради што беше активиран системот „Најди ме“ (Amber Alert). Тој исчезна во Белград, во областа Маринкова бара.

По активирањето на потрагата момчето е пронајдено пред половина час, известуваат бројни српски медиуми.

Детето се изгубило во текот на денот, а кога случаен минувач го слушнал како плаче, го одвел во полиција која го вратила кај родителите.

– Добро е, малку се исплашил. Сега е сè во ред – изјавил таткото.