Макс Верстапен ја спореди својата доминантна серија победи во Формула 1 со резултатите на Чикаго булс и забележа дека НБА сепак опстанала во периодот на доминација на „биковите“.

Има се повеќе критичари кои го објаснуваат падот на гледаноста во Ф1 на апсолутната доминација на Верстапен кој освои две титули за исто толку години, без вистинска неизвесност низ сезоните.

Но, Холанѓанецот не верува дека е негова работа да го направи спортот возбудлив и рече дека фановите на Ф1 треба да ценат кога тимот или возачот имаат добри перформанси.

Во 90-тите, Чикаго булс на Мајкл Џордан станаа доминантна сила во НБА, освојувајќи шест шампионски титули, двапати освојувајќи три по ред.

Верстапен е сè уште далеку од тој резултат, но неговата доминација е критикувана по сугестијата дека на навивачите им здосадува.

Верстапен сепак не се согласува со тоа и предложи вистинските фанови на спортот да покажат респект за тимовите кои работат добро.

– НБА преживеа кога Чикаго булс доминираа. Во тоа време, па и сега, луѓето велат „тоа беше неверојатно.“ Ако сте вистински љубител на спортот, треба да го цените тимот кој работи добро – вели Верстапен.

Сепак, споредбата не е во ред. Булс освоија три од нивните шест титули во НБА во 90-тите, но победите во плејофот доаѓаа на самиот крај на решавачките натпревари. Оваа ситуација не може да се спореди со распоредот на силите во Формула 1 оваа сезона и доминацијата на Ред бул и Верстапен.