Најдобрата македонска машка одбојкарска репрезентација ќе настапува на следното Европско првенство што ќе се одржи во Бугарија, Финска, Италија и Романија во периодот од 10 до 27 септември 2026.

Денеска со ждрепка во италијанскиот град Бари избраниците на селекторот Јошко Миленкоски ги дознаа ривалите, и среќата сакаше да се најдат во групата Б.

Противници ќе ни бидат репрезентациите на Бугарија, актуелниот европски шампион Полска, Украина, Португалија и Израел.

Земјите домаќини имаа право да изберат еден тим што ќе биде со нив во групата, Италија се одлучи за Шведска, Бугарија за Македонија, Финска за Естонија и Романија за Летонија.

Машкиот национален тим по четврти пат во низа ќе учествува на едно континентално натпреварување.

Евроволеј 2026

Група А: Италија, Шведска, Словенија, Чешка, Грција, Словачка

Група Б: Бугарија, Македонија, Полска, Украина, Португалија, Израел

Група Ц: Финска, Естонија, Србија, Белгија, Холандија, Данска

Група Д: Романија, Летонија, Франција, Германија, Турција, Швајцарија