Голем успех на македонскиот кик бокс на меѓународниот куп „Трофеј Белград“, нашите клубови се закитија со вкупно 68 медали.

Кик бокс клубот „Шампион“ од Скопје беше прогласен за најуспешен клуб, а македонската кик бокс маи таи федерација доби пехар за најтрофејна земја на турнирот.

КБ Шампион успеа да освои вкупно седум златни медали, два сребрени и три бронзени.

Викторија Варадинова беше прогласена за најдобар натпреварувач на турнирот. Оствари четири победи од четири борби. Прво место во кик лајт – 60 кг и прво место во кик лајт – 65 кг.

Дисциплини беа „фул контакт“, „лоу кик“, „кик лајт“ и „поинт фајтинг“ во сите возрасни и тежински категории.

На овој турнир имаше 350 натпреварувачи од Србија, Црна Гора, Босна и Херцеговина, Хрватска, Македонија и Словенија.