Најдобриот македонски тенисер Калин Ивановски не успеа да обезбеди пласман во полуфиналето на турнирот во Кретеј, Франција.

Нашиот тенисер, петти носител на турнирот, по еден интересен и возбудлив меч со три сета кои завршуваа во тај-брејк загуби со 2:1 од Французинот Тристан Ламасин.

Првиот сет го освои Ивановски со 7:6 (3), возврати ривалот кој следниот тај-брејк беше подобар со 7:1.

А во решавачкиот трет сет Ламасин стигна до третиот триумф откако славеше со 7:5 во последниот тај-брејк.

За пласман во големото финале Ламасин ќе игра против седмиот носител Лукас Катарина од Полска кој двапати со 6:3 го елиминира Антоан Гибодо од Франција.