Грчкиот суперлигаш Ламиа е блиску да го комплетира трансферот на македонскиот репрезентативец, Стефан Ашковски (30).

Според грчките медиуми двете страни постигнале договор и во тек се преговорите со досегашниот клуб на нашиот играч, Сепси од Романија.

Ашковски е изборот на тренерот на Ламиа, Италијанецот Џанлука Феста, како засилување на крилните позиции. Информациите велат дека Ашковски се согласил за договор на две години со грчката екипа.

Во кариерата беше дел од голем број клубови, започнувајќи од Телеоптик, па Партизан, Доњи Срем, Напредак, Стромгодсет, Шкендија, Нови Пазар, Кајсери Ерчијеспор, Фортуна Ситард, Горник Ленчна, Славија Софија и Ботошани.

После две кола во грчката Суперлига составот на Ламиа има учинок од едно реми и еден пораз.