Македонскиот кендо клуб „Јошин“ изминатиот викенд настапуваше на Меѓународен турнир во Солун, а во индивидуалните натпревари за пионери, јуниори, КЈУ (ученички степени), сениорки и сениори и ветерани над 40 години освоија 8 медали – 2 златни, 3 сребрени и 3 бронзени.

Медали освоија:

Катеогрија пионери
1. Михаил Миленковиќ – златен
2. Давид Алексовски – сребрен
3. Меланија Крстевска – бронзен
4. Максимилијан Климоски – борбен дух

Сите кои се закитија со медали се дел од „Јошин“ кендо клубот.

Во категоријата јуниори, Димитар Крстевски доби признание борбен дух.

„На децата им е прв интернационален настап. Имаме силна и светла иднина“ изјави Андреј Атанасовски, тренер на Јошин Кендо клуб.

Категорија жени КЈУ (ученички степен)
1. Ангела Атанасовска – Јошин, Македонија
2.Варсами Марија – Онамикаи, Грција
3. Лира Кармен – Кенкан, Грција
4.Леунг Нова – Тора, Англија

Категорија мажи КЈУ
1.Леонидас С. Атрапос,Грција
2.Савин Владимир – Бујукан,Молдавија
3. Александар Кесковски – Јошин, Македонија

Категорија жени ДАН
1. Астерија Акила – Атенс доџо, Грција
2. Мануела Хофлехнер – Линц, АвстријаЖ
3. Ивона Лазаровска – Јошин, Македонија

Категорија мажи ДАН
1. Фабио Бусси – До акдамес Торино – Италија
2. Андреј Александров – Јошин, Македонија
3. Серфреда Луца Шубукан – Италија
4. Литрас Триантафолис – Ренма – Грција

Ветерани
1. Василос Кустелидис – Ренма, Грција
2. Глигор Дубровски – Јошин, Македонија
3. Праксмаер Корнелиус – Линц

На турнирот настапуваат преку 100 натпреварувачи од Македонија, Грција, Србија, Англија, Израел, Австрија, Молдавија, Бугарија, Полска и Италија.

„Овој турнир е одлична шанса за нашите борци кои речиси сите се репрезентативци, како подготвителен турнир за предстојното 13-то Балканско првенство кое ќе се одржи од 28 до 30 април во Скопје“, вели тренерот Андреј Атанасовски, истакнувајќи дека Матеј Ивановски и Владимир Пешков стигнале до четвртфинале.

Кендо натпреварувачите на „Јошин“ од Скопје се бореа одлично во екипниот дел на меѓународниот турнир во Солун и извојуваа четири победи, освојкувајќи го бронзениот медал. Јошин славеше против Кенкан и Оменикаи од Грција, Јошин Тора микс Тим Македонија УК и Атарпос од Солун.

Јошин настапи во состав: Дубровски, Кесковски, Ивановски, Александров и Пешков. Успехот ќе беше поголем да не се повредеше Александар Кесковски.

– Во четвртфинале Александар Кесковски се повреди и бевме со борец помалку против Италија-Франција микс тим во полуфиналната борба. Одличен перформанс на нашите борци, доколку бевме цел тим сигурно ќе освоевме по сјајно одличје – изјави тренерот Андреј Атанасовски, нагласувајќи:

– Децата беа пуштени во мешани тимови од јуниори, со цел да го збогатат искуството во шијаи (натпреварувачко) aкендо.

Финални резултати:

1. Италија – Франција (микс тим)
2. Атина – Грција (микс тим)
3. Јошин – Македонија