На најновата ВТА ранг листа македонската тенисерка Лина Ѓорческа има подобар ранг за седум позиции и сега се наоѓа на 248 место со 290 поени или седум повеќе од претходната недела.

Покрај Ѓорческа пласман во поединечна конкуренција има и Магдалена Стоилковска која се наоѓа на 1565 место со четири поени и има пад од две места.

Во конкуренција на двојки Ѓорческа по триумфот на турнирот во Хешинген се наоѓа на 282 место со 285 поени или има скок од 84 места.

Втората наша тенисерка со ранг е Александра Симева која се наоѓа на 1428 место (пад за девет места) со осум поени.

Ѓорческа оваа недела ќе настапува на фјучрс турнир во Осиек, Хрватска, каде е рангирана како прва носителка.