Нова убава вест за македонското таеквондо доаѓа од силниот светски куп Г1 Бугарија опен кој носи бодови за олимписки игри.

Бугарија Опен Г1, еден од најсилните турнири во Европа со над 1000 натпреварувачи од целиот свет.

Ведрана Тунески успеа да освои златен медал со четири остварени победи. Нашата натпреварувачка во првата борба триумфираше над Марина Боновска од Бугарија со 2:0.

Потоа, во четвртфиналето Тунески со 2:1 славеше против Маша Зорица, а во полуфиналето со 2:1 беше совладана Карина Довжањин од Украина.

Во големото финале македонската таеквондистка дојде до златото по победата над Нина Грујиќ од Србија (2:0).

Тунески која е член на таеквондо клубот Бутел е и пионерски медалист од официјално европско првенство.

Тренерскиот тим беше предводен од Борче Костовски, Викторија Спасовска, Стефан Костовски и Иван Крстевски.