Македонските каратисти учествуваат на Балканското првенство кое се одржува од 28 февруари до 2 март во Будва.

Нашите натпреварувачи на првиот ден успеаја да се закитат со шест медали во црногорскиот град.

Во категоријата до 61 килограм во женска конкуренција златен медал освои Јована Мицовска, а на подиумот се најдоа уште две наши каратистки Викторија Јовановска и Магдалена Божиноска.

Во категоријата до 50 кг. Сара Дука и Михаела Мишовска освоија бронзени медали, а во категоријата до 68 кг. до бронзата дојде Ангела Мојсовска.

Досега на табелата по освоени медали Хрватска е првопласирана со седум медали од кои три златни, следуваат Црна Гора со четири, Македонија со шест, Косово два и Романија и Турција по еден медал.