Растат секојдневно возбудувањата пред стартот на Европското првенство, избраниците на селекторот Игор Ангеловски се во завршниот дел од подготовките, а за утре е планирањето патувањето за Букурешт.

Токму во романскиот главен град на 13 јуни со почеток од 18.00 часот македонската А репрезентација ќе го има дебито против Австрија.

Јуни, месец резервиран за нови фудбалски моменти, се надеваме дека со нови големи резултати на нашата селекција, општо со уште поубав фудбал и многу голови. Европската фудбалска куќа (УЕФА) одвои седум натпревари за кои смета дека ќе бидат доста возбудливи.

А еден од нив токму е и нашиот прв меч против Австријците кои беа пред нас во редовните квалификации, пред триумфите над Косово и Грузија во плеј-офот од Лигата на нации за прв историски пласман на ЕП – а сега следува „реванш“.

Австрија беше подобра двапати дома и гости против Македонија, со победата од 2:1 во Виена на 16 ноември 2019 година со головите на Алаба и Лајнер го обезбеди настапот на ЕП.

 

View this post on Instagram

 

A post shared by Football Federation-Macedonia (@ffmacedonia)

Но, еве повторно двете репрезентации се во иста група, во Букурешт. Најдобриот стрелец на сите времиња Горан Пандев го реализираше голот за историски пласман на континенталниот собир. УЕФА прашува, дали 37-годишниот играч и натаму ќе ги тресе противничките мрежи?

Седум натпревари кои ги препорачува УЕФА да ги гледате се:

Турција – Италија (Рим, Група „А“), 11 јуни, 21.00 часот
Данска – Финска (Копенхаген, Група „Б“), 12 јуни, 18.00 часот

Австрија – Македонија (Букурешт, Група „Ц“), 13 јуни, 18.00 часот
Англија – Шкотска (Лондон, Група „Д“), 18 јуни, 21.00 часот

Шпанија – Полска (Севиља, Група „Е“), 19 јуни, 21.00 часот
Португалија – Франција (Будимпешта, Група „Ф“), 23 јуни, 21.00 часот
Германија – Унгарија (Минхен, Група „Ф“), 23 јуни, 21.00 часот

Австрискиот селектор Фода со 30 кандидати за првиот меч со Македонија на ЕП