Македонија без тројца репрезентативци отпатува за Пореч на последните контролни средби пред Светското ракометно првенство во Полска и Шведска.

Од претходно беше познато дека Филип Талески има мала повреда и со него нема да се ризикува да игра пред почетокот на СП. Поради истата причина Талески го прескокна и ревијалниот натпревар против ветераните во Скопје.

Заедно со Талески во експедицијата за Пореч не заминаа голманот Никола Митревски и левото крило Цветан Кузманоски. Митревски доби дополнителен одмор бидејќи најдоцна заврши со клупските обврски во порто. Кузманоски е здрав и без повреда, меѓутоа за овие контролни средби левата крилна позиција ја пополнија Дејан Манасков и Петар Атанасијевиќ.

Македонија утре и задутре ја очекуваат две средби, прво против Хрватска, а потоа против Израел. Првиот натпревар на Светското првенство го играме на 13. јануари против Норвешка.