Синоќа се одржа финалето на осмата сезона на натпреварот „Никогаш не е доцна“, а според гласовите на онлајн гласањето победник е Павле Витанов од Струмица.

Тој доби дури над 44 илјади гласови или 34,5 отсто од вкупниот број гласови за сите кандидати.

Во емотивниот момент на сцената тој победата ја посвети на сите кои гласале за него и на своето семејство, заблагодарувајќи им се што го убедиле да се пријави на шоуто.

Со над 7000 смс пораки Витанов го освои третото место според гласовите добиени од смс гласањето.

Во финалето тој се престави со песната „Розо моја“ од Ибуш Ибраимовски и уште еднаш покажа дека сосема заслужено е фаворит на публиката.

Сабина Калтак доби најмногу смс гласови, а победникот според стручното жири е Петар Спасојевиќ.