Уште од дамнина е познато дека расолницата е народен лек против мамурлак и други проблеми.

Расолница, течноста која се добива со закиселен зеленчук, сè повеќе добива на популарност како природен лек за мамурлак и како додаток во исхраната, а отсекогаш била популарна и кај старите Македонци.

Оваа солена течност, богата со електролити, може да биде вистински спас во моменти кога се чувствувате исцрпено или дехидрирано.

Расолницата се добива од зелка со ферментација со разни бактерии, меѓу кои се Leuconostoc, Lactobacillus и Pediococcus. Расолницата има долг рок на траење и карактеристично кисел вкус кој доаѓа од млечната киселина настаната со бактериската ферментација на шеќерот во зелката. Содржи големи количини на витамини Б, Ц, E, К и минерали како што се калиум, калциум, фосфор, сулфур, бакар, цинк и магнезиум.
Расолницата од зелка е најхранливата течност, која се добива со ферментирање на овој суперхранлив зеленчук. Расолницата изобилува со антиоксиданти, како и со пробиотици, објаснуваат нутриционистите. Добра е за настинка и за зајакнување на цревната флора, а по бурна ноќ полна со алкохол, расолницата е најдобар лек за мамурлакот.

Рехидратација и реставрација на електролити

Една од главните придобивки на расолницата е неговата способност да го рехидрира телото. По консумирањето алкохол, телото губи важни електролити како натриум и калиум. Расолницата може да помогне брзо да се обноват овие елементи, намалувајќи ги симптомите на мамурлак како главоболки и замор.

Расолницата често се користи како природен стимуланс на апетитот. Киселините во расолницата можат да го подобрат варењето и да го поттикнува чувството на гладот, што е корисно по подолги периоди без храна.

Ги намалува воспалителните процеси

Поради содржината на антиоксидантите од зеленчукот, расолницата може да помогне да се намали воспалението во телото, што е особено важно по претераното консумирање алкохол, кога телото доживува стрес.

Внимателно со расолницата

Меѓутоа, иако расолницата има свои придобивки, важно е да се биде внимателен.

Расолницата и течноста од туршијата често содржат високи количини натриум, што може да биде проблем за луѓето со предиспозиција за хипертензија (висок крвен притисок) или за оние кои веќе страдаат од висок крвен притисок.

Затоа се препорачува да се пие умерено.

Расолницата може да биде одличен сојузник во борбата против мамурлакот и дехидратацијата, но важно е да се води сметка за нејзиниот состав. Како и со секоја намирница, клучот е во умереноста.

Секогаш консултирајте се со експерт доколку имате здравствени проблеми или се сомневате во тоа како одредени пијалаци влијаат на вашето здравје.