Поранешниот американски советник за национална безбедност Мајкл Волц изјави дека е горд што ќе продолжи да служи во администрацијата на претседателот Доналд Трамп, откако беше номиниран за постојан претставник на САД во Обединетите нации.

Чест ми е да продолжам да му служам на претседателот Трамп и на нашата голема земја“, напиша Валц на платформата X, коментирајќи ја одлуката на американскиот претседател.

Претходно Трамп на својата социјална мрежа „Трут соушиал“ објави дека ќе го номинира Волц за функцијата следен постојан претставник на САД во ОН.

Трамп додаде дека, во меѓувреме, државниот секретар Марко Рубио ќе служи како советник за национална безбедност и „да продолжи со своето силно лидерство во Стејт департментот“.

Американските медиуми повикувајќи се на неименувани извори, претходно објавија, дека советникот за национална безбедност на Белата куќа Мајк Волц и неговиот заменик Алекс Вонг ги напуштаат своите позиции.

Вoлц се најде под лупа на јавноста во март, откако по грешка постави разговор на платформата Сигнал и по грешка го вклучи новинарот Џефри Голдберг од магазинот Атлантик, во кој беа вклучени дискусии меѓу највисоките претставници на американската национална безбедност за плановите за напад на цели на јеменските бунтовници Хути, пренесува Танјуг.