Светската недела на доењето која традиционално се одбележува од 1 до 7 август, е глобален настан што се одржува во повеќе од 120 земји секоја година, организиран од Светската федерација за доење, Светската здравствена организација и УНИЦЕФ. Главната цел на овој настан е всушност промовирање на доењето со цел да се подобри здравјето на децата и жените.

Кај нас, пак, да се покрене иницијатива со кои на мајките да им бидат овозможени сите потребни услови да ги дојат своите бебиња и за време на работното време, како и во други јавни простории, бара Поткомитетот за доење во рамки на Комитетот за безбедно мајчинство.

Ова го бараат од Институтот за доење во рамките на Светската недела на доењето со цел да се подигна свеста за значајноста на мајчиното млеко и кое има исклучително значење во здравиот развој на детето.

„Дали ќе биде тоа преку одење во домашни услови или пак носење на детето на работно место секако може да се договорат самите работодавци и ние апелираме во оваа прилика дека мајката мора да дои секаде и секогаш. Загрозување на работното место до една година треба да биде со закон регулирано, да бидат казнети работодавците. И тој закон постои дека може мајката да дои до две години или не знам до кога сака, треба да дои до кога сака. А во однос на ова што им ги прекинуваат работните места тоа го знаеме. Е токму заради тоа, ние тука треба да го лоцираме проблемот и повторно со работната група да издејствуваме кај сите работодавци да им следи казна за тоа“, вели Мими Кимовска Христова, претседателка на Поткомитет за доење.