Шефот на кинеската мафија Џанг Дајонг (53), со прекар „Ашенг“ и неговата сопруга Гонг Сијаокинг (38), се пронајдени мртви на само неколку метри од зградата во која живееле во близина на квартот Пињето во источниот дел на Рим, објави италијанската полиција, според „Си-ен-ен“.

Убиството се поврзува со борбата за превласт во индустријата за текстил, со која раководат кинеските „тријади“.

Најмалку шест истрели биле испукани кон мафијашот и неговата сопруга, кои се враќале дома со велосипеди во понеделникот доцна навечер. Убијците дошле со мотор, им се приближиле и отвориле оган. Тие починале од прострелни рани во задниот дел од главата.

一名涉嫌参与中国黑社会的男子张大勇 Zhang Dayong 及其伴侣（38岁东北女人，有赌博历史）在意大利罗马被“行刑式”枪杀。事件发生在4月14日晚上，地点位于罗马的Via Prenestina街道。枪手使用9毫米手枪，在他们住所的入口处接连开枪，击中两人头部后逃离现场。… pic.twitter.com/LHzFi9EeSg

— 张晓敏电影人🇺🇸🇨🇦 (@xiaominz_film) April 17, 2025

Обвинителите рекоа дека двојното убиство би можело да биде „убиство од одмазда“ и дека мотивот може да се поврзе со таканаречената „војна на закачалките“, која ескалираше во последните години меѓу кинеските криминални групи специјализирани во текстилниот сектор, особено фабриките за брза мода во тосканскиот град Прато, во близина на Фиренца, соопшти полицијата на прес-конференција во вторникот.

Полицијата вели дека убиството може да сигнализира прекин на лојалноста меѓу „картелите“ кои го контролираат секторот за облека.