Една од најуспешните серии на Нетфликс на сите времиња, „Ноќниот агент“ (The Night Agent) е богата со интриги и детали што ги држат гледачите да гледаат епизода по епизода со немилосрдно темпо. Кога првата сезона пристигна на Нетфликс во 2023 година, таа собори неколку рекорди за многу кратко време, а втората сезона излезе во четвртокот, на 23 јануари. Покрај Питер Сатерленд (Габриел Басо) и во оваа сезона ја гледаме Роуз Ларкин, која ја игра Лусијан Бјукенан.

На егзотичната убавица Лусијан Бјукенан и на Габриел Басо не им требаше многу да „воспостават хемија“ на екранот. По снимањето на првата сезона на „Ноќен агент“, актерката рече дека е „навистина лесно“ да се влезе во таа приказна.

 

View this post on Instagram

 

A post shared by Luciane Buchanan (@lucianebuchanan)

„И двајцата бевме далеку од дома, па се поврзавме поради тоа“, изјави таа.

„Ноќниот агент“ ја прослави

Родена е во 1993 година во Окленд (Нов Зеланд). Почнала да глуми во тинејџерските години, а ги добила главните улоги во сериите „The Blue Rose“ и „Filthy Rich“. Дипломирала драма и психологија на Универзитетот во Окленд во 1917 година, а следната година добила улога како главен протагонист во втората сезона на серијата на Нетфликс „The New Legends of Monkey“. Во 2022 година, се проби и на меѓународен план благодарение на серијата „Ноќниот агент“.

Нејзината последна главна улога беше кралицата Каахуману во серијата „Chief of War“ (Apple TV+) заедно со Џејсон Момоа.

Нејзина инспирација во кариерата е Мерил Стрип, а таа има порака за оние кои сакаат да се испробаат во актерството: „Колку повеќе вложувате во себе, толку повеќе ќе ви се врати (како и сè друго). Започнете сопствен бизнис ако не можете да најдете работа. Учете и нурнете во длабочината, очекувајте напорна работа и забава“, рече таа.

Од Нов Зеланд се преселила во Њујорк во 2023 година, каде што живее до денес.